Euskadi Irratiak 100.000 entzule ditu, EGMk dioenez

Estudio General de Medios EGMk 2015eko lehen neurketaren emaitzak eman zituen atzo —urtean hiru neurketa egiten ditu—. Euskadi Irratiak, astegunetan, 100.000 entzule izan ditu urtearen hasiera honetan, iaz sasoi berean baino 6.000 gehiago. Gazteak 114.000 entzule ditu, EGMren arabera, 2014an epe berean baino 19.000 gutxiago. Radio Euskadik 159.000 entzule ditu aurten, iazko neurketan baino 24.000 gutxiago. Radio Vitoria 20.000 arabarrek entzuten dute, iaz baino bi mila gutxiagok. Araban, Bizkaian eta Gipuzkoan, SER da entzule gehien dituen irratia: 334.000. Prisa taldearen arabera, hiru herrialdeetan azkeneko bost urteetan lortutako datu onena izan da.