Euskal kantagintzaren historiaabestien bidez kontatuko du Andoni Tolosa Morau musikariak gaur eta bihar, Anoetan (Gipuzkoa). 1961etik 1990erako historia kontatuko du sortzaile hernaniarrak. Kantuak ez ezik, hainbat bideo, argazki eta bestelakoak ere erabiliko ditu kontakizuna ilustratzeko. Kantagintza berria mundu osoko fenomeno bat izan zela azalduko du, 1960ko hamarkadan loratua. Euskal Herrira Kataluniako nova cançó mugimendutik eta Hego Amerikako Atahualpa Yupanqui musikariaren eraginez heldu zen, besteak beste.
Atzerrian bezala, Euskal Herrian tradizioa etorkizunarekin lotzea zen musikarion kezka nagusia. Ez Dok Amairu, Laboa, Lertxundi, Lete eta abar jarriko ditu adibide, baina baita horren ezagunak ez diren Soroak, Enarak, Urretxindorrak eta Estitxu Robles-Arangizen doinu ye-yeak ere. Horiek urraturiko bidea Errobi eta Negu Gorriak taldeekin lotuko du. Historia kontatuz, euskal musikaren inguruko topikoak uxatu nahi ditu Morauk: euskal artistak ez direla jabetzen munduaz gertatzen ari denaz, eta «geure zilbor etnozentristari begira gaudela». Erakutsiko du hori ez dela inoiz egia izan. Era berean, euskal kantagintzaren originaltasunaren mitoa gezurtatuko du, originaltasun nagusia euskaraz kantatzea delakoan.
HITZALDI MUSIKATUA
Noiz. Gaur eta bihar, 23:00etan.
Non. Anoetako Itzuli tabernan.
Euskal musikaren historia
Hitzaldi musikatu baten bidez, euskal kantagintzaren sorrera eta garapena azalduko du Morauk Anoetan
Iruzkinak
Ez dago iruzkinik
Ordenatu
