EZARIAN. ZIENTZIA. Ia dena esplikatzen

Bidaia liburuen idazlea zen Bill Bryson; egun batez burura duda zientifiko bat etorri, eta erantzun ezinaren ezinez, zientziari buruz ezer gutxi zekiela ohartu zen arte. Gainontzeko zientzia liburuek bere galderei erantzunik ematen ez zietela ikusirik, eta azalpenak berak irakurri nahi lituzkeen bezala ematen ez zituztela oharturik, irakurri nahi zuen liburua berak idaztea erabaki zuen. Dena jakin nahi, baina ezin dena jakin. Ia dena bai, ordea, eta hala sortu zuen orain urte gutxi batzuk Ia denaren historia labur bat izeneko liburua. Euskarara itzuli du orain Ixiar Ziak, eta Elhuyar fundazioak jarri du salgai.

Berak irakurri nahi lukeen liburua idatzi arren, jende askok irakurri nahi zuena ere idatzi zuen Brysonek. Hala dirudi, behintzat, izan duen arrakasta ikusirik. 34 hizkuntzetara itzuli dute, eta 4 milioi ale baino gehiago saldu ditu. Best-seller bat da.

Lehen galderarekin hasten da liburua, noski, ezerezetik zerbaiterako jauziari buruzkoarekin: Big bang-aren teoriarekin. Gehiago ere egiten ditu ondoren, 500 orritan zehar. Mekanika kuantikoari buruzkoak, eboluzioari buruzkoak, astronomia eta fisikari buruzkoak, geologiari buruzkoak... ia denari buruzkoak, egia esan, liburuaren izenburuan agertzen duenez. Zientzialarien bizitzak erabiltzen ditu horretarako lagungarri gisa.

2004an, egun Royal Society deitzen den Aventis saria irabazi zuen Brysonek liburu honekin, zientziaren dibulgazioaren alorrean egindako lan honegatik.

Liburu fitxa

Izenburua: Ia denarenhistoria labur bat.

Egilea: Bill Bryson.

Itzulpena: Ixiar Zia.

Argitaratzailea: Elhuyar.