Ez diote inori adarrik sartu, baina eskapada handia egin du korrikalari batek Estafeta kaleko sarreran. Adarra atorretik sartu eta aireratu egin du zezenak, eta ozta-ozta libratu du bizkarra. Horixe izan da gaurko entzierroko unerik arriskutsuena. Hortik aurrera, ia alboetara begiratu ere egin gabe egin dute sei zezenek ibilbidea.
Estafeta kalean, ohi duten bezala, zezen eta joaldunen taldea luzatu egin da, eta korrikalariek zezenen aurrean lasterka egiteko aukera izan dute.
Halako abiadan korrika egin dutenez, jende asko erori da lurrera, eta medikuek artatu egin behar izan dituzte.
