Garbitzaileei eraso egitea gaitzetsi dute ostalariek

SALAKETA. Nafarroako Ostalaritza Elkarteak sanferminetan FCC enpresako kale garbitzaileei egindako erasoak gaitzetsi ditu. Garbitzaileen lana «ezinbestekoa eta bikaina» dela esan du, egunero hiriko kale, plaza eta parkeetatik zikinkeria kentzen dutelako, jaietarako dena prest egon dadin. Nafarroako Ostalaritza Elkartearen ustetan, indarkeria ekintzek jaiak zapuzten dituzte. Era berean, elkartasuna adierazi die San Fermin festetan erasotako garbitzaileei.