Gasteizko Udalak Eraztun Berdea handituko du

GASTEIZ. Eraztun Berdeari 20.000 metro koadro gehitzeko hitzarmena sinatu dute Gasteizko Udalak eta Arkauti eta Elorriagako administrazio batzarrek. Azken horiek, beren jabegoko lursailen erabilera eta kudeaketa udalaren esku utziko dute, hamar urteko epean Salburuko parkean sartu eta beharrezko jarduera guztiak egin ditzan, eraztuna handitzeko.