'Gau ibilbide magikoa', larunbatean

ATAUN. Ibilbide magikoa egingo dute larunbat gauean, Ataunen. Bidean zehar pertsonaia mitologikoak agertuko dira, eta gauza harrigarri, beldurgarri eta barregarriek girotuko dute gaua. Hiru kilometroko ibilaldia egingo da: 21:00etan Barandiaran museotik abiatu, eta Udaletxe aurreko plazaraino, Agauntza errekaren ondotik doan herribide zaharretik. Bi ordu inguru iraungo du ibilbideak, eta doakoa izango da.