Gaztearen parodia lehiaketan, bozketa abian

IRRATIA. Gazteak bideoklipen parodien lehiaketa bat jarri du martxan. Behin lanak jasotzeko epea amaituta, bozketa fasean sartu dira orain. Epaimahai independente batek hogei finalista aukeratu ditu, eta sailkatutako bideo guztiak ikusgai daude Gaztea Parody lehiaketaren webgune berezian. Hilaren 21a arte dago botoa emateko aukera. Ondoren, boto gehien jasotzen duten bost sailkatuek parte hartuko dute final handian.