Gereziaren garaia hasteko festa igandean

ITSASU. Egun osoko festa antolatu dute iganderako Itsasun (Lapurdi), herriko produktuari gorazarre egiteko. Gereziaren festan, pilota partida, mutxikoak, bazkaria, dantzak eta beste izango dira. Itsasuko gereziekin egindako marmeladaren lehiaketa ere egingo dute lehen aldiz. Eta bertako gereziak erosteko aukera ere izango da egun osoan.