GERIZPEAN. SUDUR GABEEN MUGIMENDUA IRITSI DA

Jaiak antolatzeko Donostiako Udalak ez diela inolako laguntzarik emango salatu zuen atzo Egia auzoan, A-TOTXAko manifestuaren bitartez. Auzokideek autokudeatutako jai espontaneoak aldarrikatu zituzten. Horrez gain, «porrontxokumeek» auzoaren bizimodua ez dutela BPGan oinarritzen adierazi zuten, «Barne Zoriontasun Gordinean» baizik. Horretarako «I+D+i formula berezia» dute: «Irudimena, Dotorezia eta ironia». Sudurgabeen mugimenduak jaiak antolatzeko eskubidearen alde egiteko asmoa azaldu du.