Herriak santu egina

Arrasaten (Gipuzkoa) dago Ines Ruiz de Otaloraren gorpua, momifikatuta. Testamentuan bere gorpua San Frantzisko komentuan gordetzeko eskatu zuen, eta hala egin zuten. Gerora lekuz aldatu zuten, eta orduan ohartu ziren gorpua ez zegoela ustela. Haren santutasunaren mitoa hedatu zuen horrek herritarren artean. Amandre Santa Ines bilakatu zuen herriak Ines zena.