Gizateria eta gizatasuna benetan arriskuan ote dauden aztertzea da aurtengo TopASKEtak jardunaldien antolatzaileek jarri duten helburua. Horretarako, sei hizlari izango dira bihartik asteazkenera Donostian, «XXI. mendeko sozialismoa» zirriborratze aldera.
Afonso Sastre kultur elkarteak antolatzen ditu topaketak. «Aztertu beharko dugu jardun politiko, intelektual edo poetikoetan gabiltzanok zerbait egin dezakegun jende humanoaren defentsan», dio Xabi Puerta antolatzaileak.
Bihar, Santiago Alba Rico filosofo eta idazlea mintzatuko da. Harekin batera arituko da Iñaki Antiguedad EHUko irakaslea. Analisien ondoren, antzerkirako txanda helduko da. Alfonso Sastreren Los Hombres y sus Sombras antzezlanaren irakurketa dramatizatua egingo du Proyecto Adam taldeak. Zutoia Alarcia, Iker Garcia eta Arrate Etxeberria aktoreek antzezlanaren Eskorial atala jokatuko dute.
Asteartean, Amparo Lasheras kazetaria eta Empar Pineda idazle eta ekintzaile feminista arituko dira. Sandra Fernandezek, Zutoia Alarciak eta Iker Garciak antzezlanaren Romeo y Julieta atala emango dute. Asteazkenean, J. Manuel Gordillo Marinaledako alkatea eta Sastre bera arituko dira, eta antzezlanaren hirugarren atala emango dute.
TOPASKETAK 2010
Noiz. Gaurtik azteazkenera, 19:00etan.
Non. Koldo Mitxelena kulturunean, Donostian.
«Humanitatearen defentsan»
XXI. Mendeko Sozialismorantz topaketak egingo dituzte bihartik asteazkenera Donostian
Iruzkinak
Ez dago iruzkinik
Ordenatu
