Jaiekin amaituko du gaur Zintzilik-ek denboraldia

IRRATIA. Errenteriako Zintzilik Irratiak urtero bezala madalenetako saio bereziarekin amaituko du denboraldia. Gaur, 17:00etatik aurrera, urteko berri garrantzitsuenak jorratuko dituzte. Hainbat elkarte eta lagunekin elkarrizketak egingo dituzte, jaietako egitarau alternatiboaren berri emango dute eta txupinazoa zuzenean eskainiko dute. Oiartzualdean saioa FMko 100ean entzun ahalko da, eta Interneten www.zintzilik.net webgunean. Ohi bezala, jaietan txosna jarriko du Zintzilik irratiak.