Jeff Bezos espaziora iritsi da gaur. Amazonen buruzagia izandakoa Texasko base batetik (AEB) aireratu da New Shepard suzirian, eta, gero, kapsula 106 kilometrotara heldu da, atzera lurrera itzultzeko. 11 bat minutu iraun du hegaldiak. Richard Branson multimilionarioak ere espaziora bidaiatu zuen duela astebete pasa, eta 90 bat kilometrotara ailegatu zen.
BREAKING: Capsule carrying Jeff Bezos lands following historic launch to the edge of space. https://t.co/ggHEckNP6Spic.twitter.com/Q0aKqtxTP6
— NBC News (@NBCNews) July 20, 2021
Amazonen kontseilari ordezkari izandakoak alboan izan ditu bere anaia, Wally Funk pilotua eta multimilionario baten 18 urteko semea. Suziri batean hasi dute hegaldia, baina, behin 76 kilometroko altuera harrapatuta, suziritik banandu da kapsula, eta horretan osatu dute bidaia. Zenbait minutuz grabitaterik eza esperimentatu ahal izan dute. «Egunik onena», esan du kapsula barrutik Bezosek, behin lur hartu ondoren.
