Juan Bidegain ondarroarrak zuzendu dituen azkenengo bi film laburrak emango dituzte gaur arratsaldean Markina-Xemeingo Uhagon kulturgunean. Etxeko Bandan eta 0,39 dira ikusgai izango diren bi film dokumentalak. Bidegain bera bertan izango da lanen inguruko azalpenak emateko.
Itsasoarekin eta arrantzaleekin lotutako lanak dira biak, egileak bere filmik gehienekin egin izan ohi duen bezala. Etxeko Bandan filmak bi arrantzale erakusten ditu; bata zaharra eta bestea gaztea. Bataren jakinduria eta bestearen ikasteko gogoa nabarmentzen da bertan. Urteetan bildutako ezagutza gal ez dadin, gazteari dakienaren berri ematen dio. Nazioarteko hainbat zinemalditan emandakoa da.
Bigarren filmak izenburuko zenbakia du oinarri: 0,39 zenbakia,alegia. Jende gehienarentzat zenbaki arrunta baldin bada ere, arrantzaleentzat esanahi berezia dauka zifra horrek, eta hori azaltzen da lanean. Peruko 2010eko Fenaco film laburren nazioarteko jaialdian irabazi egin zuen. Baina ez da izan iaz lortu zuen sari bakarra, Navasko Bideo eta Zinema jaialdian, dokumentalik onenarena eman baitzioten.
'ETXEKO BANDAN'ETA '0,39'
Noiz. Gaur, 19:00etan.
Non. Markina- Xemeingo Uhagon kulturgunean (Bizkaia).
Juan Bidegainen bi film labur
Zuzendari ondarroarrak egindako azken bi film laburrak emango dituzte: 'Etxeko Bandan' eta '0,39'
Iruzkinak
Ez dago iruzkinik
Ordenatu
