'Kontzejupetik' aldizkariak bost alkate bilduko ditu

OÑATI. 300. zenbakia argitaratu du Oñatiko (Gipuzkoa) Kontzejupetik aldizkariak. Aitzakia horrekin, azken 27 urteetan herriak izan dituen bost alkateak elkartuko ditu asteartean. Mahai ingurua kultur etxean egingo dute, 19:00etan. Zenbaki guztiak, bestalde, liburutegiko sarreran izango dira ikusgai, asteartetik urtea bukatu arte. Hilaren 21ean, erredakzioa bisitatu ahalko da.