Lagun ezkutuaren zozketa egiten du webgune batek

Familian, lagunartean, lanean baita ikaskideen artean ere, jende askok egin ohi du lagun ezkutuaren sistemaren aldeko hautua. Zozketa bidez erabakitzen da nork egingo dion oparia nori. Oparian gastatu beharreko gehiengoaezarri, eta halabeharrak erabakitzen du zein norabidetan egingo diren opariak. Egokia izan ohi da oparitzeko kide asko dauden taldeetan.

Jolas hau erabiltzen dutenentzat, www.zurelagunezkutua.com webguneak abagune bikaina eskaintzen du. Lagun ezkutuan parte hartuko dutenen izenak idazten dira webgunean, bakoitzaren posta elektronikoarekin batera. Oparien gehienezko gastua eta horiek banatzeko epea jarri eta sistemaren esku geratzen da zozketa. Jarraian, parte-hartzaile bakoitzari mezu elektroniko bat bidaltzen dio sistemak, eta oparia nori egin behar dion helarazten dio. Gastatu beharreko diru kopurua eta beste xehetasunak ere igorriko zaizkio kide bakoitzari.

Teknologia berriak lagun ezkutuaren jolasean sartu aurretik, laguna benetan ezkutua izan zedinezinbestekoa izaten zen parte-hartzaile guztiak fisikoki presente egoteazozketa egiteko orduan. Sistema berriarekin ez da derrigorrezkoa denok elkartzea zozketa egiteko.