Landareek Txernobilen zergatik irauten duten

1986ko apirilean egin zuen eztanda Txernobilgo zentralak. Ehunka lagun hil ziren, eta lur eremu zabalak kutsatu. Zentraleko langileak aritzen ziren Pripiat ere hiri fantasma bat da egun. Baina landareek aurrera egin dute Pripiaten. Nola? Hori aztertzeko, hango lurretan soja eta liho haziak landatu dituzte, eta haietatik ateratako haziak aztertu. Dirudienez, landareok badituzte erradioaktibitate handiari aurre egiteko mekanismoak, duela milioika urte erradiazio naturala handiagoa zenean erabiltzen zituztenak.