'Le Monde'-k iaz 34 milioi euroren galerak izan zituen

PRENTSA. 2010. urtean, Frantziako Le Monde egunkariak 34 milioi euroren galera garbiak izan zituen; 2009. urtean, defizita 25 milioi euro izan zen. 2011ko lehen hiruhilekoan, 89,7 milioi euroren sarrerak izan ditu enpresak, eta arduradunek adierazi dute talde guztietako ahalegin ekonomikoak nabaritzen ari direla. Egunkariaren edizio digitalaren bisitak %37 gehitu dira urteko lehen hiru hilabetean.