Gero eta exoplaneta gehiago aurkitzen ari dira astronomoak puntako teknologia lagun. Dagoeneko 500 baino gehiago dira eguzki sistematik kanpo antzemandako planetak. Hala ere, orain arteko guztiak Lur planeta baino askoz handiagoak dira, Lurra halako lau-bost behintzat. Harik eta berriki NASAko Kepler espazio tekeskopioak egin duen aurkikuntza iritsi den arte. Kepler-10b izen teknikoaren atzean Lurraren antzeko neurriak dituen planeta dago (Lurra halako 1,4 da). Horrek ez du esan nahi, ordea, bizitza hartzeko gai denik. Izan ere, urteak 0.84 egun irauten du exoplaneta hartan. Bere izarretik gertuegi dago, Merkurio Eguzkitik baino hogei aldiz gertuago dago Kepler-10b bere izarretik, eta, beraz, besteak beste, tenperatura altuak (1.600 gradu) bizitzeko baldintzak galarazten ditu.
Dena den, Lur planetatik kanpoko bizitzaren bilatze prozesuan aurrerapausotzat jotzen du NASAk aurkikuntza, Kepler-10b exoplaneta arrokez osaturik baitago.
Lurraren tankerako neurriak dituen exoplaneta bat aurkitu du NASAk
Eguzki sistematik kanpo orain arte aurkitutako planetarik txikiena antzeman du Kepler teleskopioak
Iruzkinak
Ez dago iruzkinik
Ordenatu
