"Zazpi minutu izugarri" gisa deskribatu dute InSight ibilgailua Marten azalera jaisteko operazioa. Izan ere, dozenaka maniobra egin beharko dituzte zazpi minututan, eta horietako bakoitzean ez dute huts egiteko inongo tarterik, ibilgailua arrakastaz marteratu nahi badute.
Europako Espazio Agentzia (ESA) ezinbesteko laguntza ematen ari da bere kontrol estazioen bidez, bidaiaren eta marteratzeko operazioen jarraipena eginez. Marteratu ondoren ere, ESAren ExoMars orbitagailua erabiliko dute, besteak beste, InSight-ek lortzen dituen datuak Lurrera bidaltzeko.
ESAk ExoMars ibilgailua Marten jarri nahi du 2021rako.
Gaurko operazioa zuzenean emango dute NASAren webgunean, 20:00etatik aurrera: https://www.mars.nasa.gov/insight/timeline/landing/watch-online/
