MATERIAL ARRISKUTSUAK, ETXOLARA

Gaur zabalduko dute Urola Kostako lehen birziklapen etxola, Getarian. Helburua etxeetan pila daitezken material arriskutsuak etxolan metatzea da. Indartutako metalezko egitura du, segurtasun handikoa. Askotako materialak utz daitezke: tresna elektriko txikiak, pilak eta merkuriozko termometroak, besteak beste. Getariako Udaletik gertu ipini dute, eta zaindutako irudiari esker, ingurunean integratzea lortu dute. Arropa eta olioa ere bertan bilduko dituzte, kaleetako ontzien kopurua gutxituz.