MENDIA. Everest 17. aldiz igo du Phurba Tashi sherpak

HIMALAYA. Maiatza hastearekin batera, Everest mendiaren ohiko bidea soka finkoarekin josi dute espedizio komertzialetarako lanean ari diren sherpek. Tartean zen Phurba Tashi ere. Tashik 17. aldiz jo zuen Everesteko tontorra, maiatzaren 5ean. Appa Sherpa da Everest gehienetan igo duena: 19 aldiz. Datozen egun eta asteetan, eguraldiak baimentzen badu, erromes prozesioa izango da Everesteko hegoaldeko horman.