Momotxorroa eta Sorgina zientzia fikziozko film bateko protagonista bihurtu dituzte Txilen. Eta txistulariak, zonbi. Arte martzialetako akademia batzuekin elkarlanean, Alaricfilms zine ekoiztetxe independenteak egindako lana da Pakmei. El despertar del tigre (Pakmei. Tigrearen esnatzea). Protagonista nagusiaren irakasle edo gidaria da Momotxorroa. Trilogia bateko lehen partea baino ez da, eta nazioarteko ekoiztetxeekin ari dira lanean hiru filmak osatzeko; besteak beste, Txinakoekin, Frantziakoekin eta Alemaniakoekin.
"Autogestioan egindako bost urteko lana da", azaldu dute egileek. 400 aktore baino gehiago aritu dira Patagoniako lurretan egindako grabazioetan, eta otsailean aurkeztu asmo dute film osoa. Oraingoz, trailerra jarri dute ikusgai.
