Physis vs Pelax bikotearen kontzertuarekin hasiko da jaialdia. Los Premodernos rock-and-roll taldeak ere joko du; The Rock Sifredi Band taldearen hondarretatik sortutako taldea da. Tenpera rock alternatiboko talde donostiarra ere bertan izango da: punk-rock, grunge, noise-punk eta abar lantzen dituzte. Txarkey rock hirukote donostiarrak, emango duen kontzertuan bere azken singlea aurkeztuko du: Hegoak. Frank laukote donostiarra Atlas bigarren iraupen luzeko albuma aurkezten ari da, eta folk ukitu eta isuri iluneko rock amerikarra eskainiko du jaialdian.
Bestalde, musika panoraman ezagunak diren hiru talde gonbidatu dituzte, egitaraua osatzeko. Batetik, Anaut soul eta rhythm and blues espainiarraren erreferentea bertan izango da. Bestetik, Dani Nel-lo musikari katalanak Los Saxofonistas Salvajes taldearekin emango du kontzertua. Javier Sun donostiarrak ere emanaldia egingo du jaialdian, eta Sun Soul diskoa aurkeztu, bakarlari gisa.
Gainera, Beat Box tailerra, musika tresnak jotzeko eta arte plastikoetan trebatzeko guneak, disko eta kartel postuak, eta beste hainbat ekintza ere izango dira.