Nire 15 urteko alaba eta haren lagunak dietei buruz hizketan sumatu nituen. 'Yo-yo efektua' edo horrelako zerbaiti buruz ari ziren. Zer da hori? Arriskurik ba al du?

Yo-yo efektua modu osasuntsuan ez argaltzearen ondorioz ematen den efektu bat da. Dieta zorrotzak egin eta pisua erraz jaitsi, ondoren dena utzi eta berriro igo —lehen baino gehiago ziurrenik—. Hau da, osasunarentzat kaltegarriak diren pisuaren gorabehera esanguratsuak. Ohituraz horrela ibiltzea arriskutsua da, gorputzean elikagai desoreka handiak eragiten dituelako. Aurreko artikulua zugan pentsatuz idatzi dudanez, hori irakurri eta pixkanaka elikadura ohitura osasungarriak ikasi eta barneratzea da yo-yo efektua saihesteko modua.