'Sé lo que hicisteis' saioa utziko du Angel Martinek

TELEBISTA. Atzoko saioan Angel Martinek berak adierazi zuenez, LaSextako Sé lo que hicisteis programa utziko du. Bost urtez aurkezle eta gidoilari aritu ondoren, ostegunean agur esango dio Martinek umorezko saioari. «Aspertuta» dago, eta bere «baratza zaintzera» doala esan du. Umorez egindako adierazpena izan bada ere, benetan hartutako erabakia dela azaldu du Martinek. Oraindik ez dute jakinarazi nork ordezkatuko duen aurkezlea.