Astelehenean zabaldu zuten EH Bilduk eta Espainiako Gobernuak akordio bat lortu dutela ETB3ren seinalea Nafarroa osora zabaltzeko. Orain arte, Nafarroan ikusten zen oro har, baina ez Euskararen Legeak eremu euskalduntzat jotzen dituen guneetan, hala nola Baztanen, Malerrekan, Bidasoan edo Sakanan. Itunak Espainiako eta Nafarroako eskuinaren erreakzio gogorra eragin du. Sare sozialetako hainbat erabiltzaileri horren gehiegizkoak iruditu zaizkie itunaren aurkako espantu plantak, non ironiara jo duten horretaz barre egiteko.
Madrilgo Autonomia Erkidegoko presidenteak esan zuen «euskara, Espainiaren ondare kulturala, Nafarroako telebistaren bidez ezarri nahi dute, euskara areagotzeko, eta arma gisa erabiltzeko». UPNk Espainiako Kongresuan duen diputatu Sergio Sayasek ere ozen salatu zuen telebistaren bidez haurrak «doktrinatzeko» asmoa dutela.
Halako egoera bat irudikatu du Twitterreko @oznerol_10 erabiltzaileak: «Adi, atera dute EITB3ren lehenengo emanaldia Nafarroan». Mezuarekin, Shin Chan marrazki bizidunetako telesailaren eszena bat argitaratu du. Horretan, Eusko gudariak ereserkiaren musikarekin desfilatzen agertzen da Shin Chan pertsonaia. Japonierazko testuen itzulpen irudinentsuak sartu ditu: Sabino Aranaren omenez, hemen maketorik ez; alde hemendik, utzi bakean; eta Euskal Herri feminista, sozialista, euskaldun, ekologista eta antifaxista lortu arte.
Ojo que se ha filtrado la primera emisión de eitb3 en Navarrað;Â;ŸÂ˜¤ð;Â;ŸÂ˜¤ð;Â;ŸÂ˜¤ pic.twitter.com/5y6j7MEkgz
— loren (@oznerol_10) November 23, 2021
Ane Lindane aktore, websail zuzendari eta, oro har, sareetako sortzaileak bere jarraitzaileei erakutsi nahi izan die «euskarazko bikoizketa doktrinamendu hutsa» dela, eta Doraemon telesailaren hasierako kantuaren barruan ezkutatzen den mezua nabarmendun du: «Pron pon pon, gora ETA gora beti, Doraemon!».
El doblaje en euskera es puro adoctrinamiento pic.twitter.com/I7cvLCgA6U
— Ane Lindane (@AneLindane) November 23, 2021
Arkaitz Terron Twitterreko erabiltzaileak idatzi du: «Argi bazegoen Bud Spencer (@JonInarritu) eta Terence Hill (@OskarMatute) ETAkoak zirela… Denbora kontua zen #Dorarmon aurkitzea, anime komandoko burua». Testua Doraemon armatu batekin ilustratu du.
Si ya estaba claro que Bud Spencer (@JonInarritu) y Terence Hill (@OskarMatute) eran de La ETA… Sólo era cuestión de tiempo que descubrieran a #Dorarmon, jefe del comando anime.#ETB3#Nafarroa#Euskarapic.twitter.com/pVjes33zx7
— Arkaitz Terrón â;Â;˜ â;Â;™Â€ lı*ılð;Â;ŸÂÂÂŽ— (@Gudari75) November 24, 2021
Jurgi Marcus erabiltzaileak Sayasen adierazpenen inguruko iruzkina egin du: «ETB3 Nafarroan ikustearen ondorioak». Txioa irudi muntaketa batekin ilustratu du: begi askoko munstro batek bi gazteren burmuinak xurgatzen ditu.
Efectos del visionado de ETB3 en Navarra. https://t.co/N5wOKjtDewpic.twitter.com/c7TyefNT3X
— Jurgi Marcus (@Jorge57603967) November 23, 2021
Bestelako mezu asko eragin ditu erreakzioak. Jon Artieda txiolariak hau adierazi du: «Otegi bera etorriko da Nafarroako etxe guztietara ETB3 sintonizatzera eta gainerako kanalak kentzera».
Maria Jauregik ETB3ko programazioan ikus daitezkeen hainbat saioren irudi bat argitaratu du.
ETB3 @3kluba_EITBpic.twitter.com/yt6QRRqawt
— Maria Jauregi (@MJauregiLasa) November 24, 2021
Joseba Permachek egun ona opatu die munduko doktrinatzaileei.
Egunoon munduko adoktrinatzaileak! 😜 pic.twitter.com/XwAp0bs8F7
— joseba permach martin (@jpermach) November 24, 2021