Tau Baskoniaren Euroligako partidak La2 katean emango dituzte

TVE Europako Saskibaloi Ligen Elkartearekin akordio batera iritsi da, Euroligako partidak eman ahal izateko. Horrenbestez, Tau Baskoniak jokatuko dituen hainbat partida La2n jarraitu ahal izango dira. Azaroaren 3an hasiko dira partidak ematen, Real Madril-Unicaja lehiarekin. Asteazken eta ostegun arratsaldeetan ikusi ahal izango dira Euroligako partidak, 19:45ean. Lehen fasea otsailaren 9an bukatuko da.