Tele5k kontraerasoa egin dio Antena3 kateari

TELEBISTA. Tele5k erantzuna eman dio Antena3ek orain dela egun batzuk egindako Pone kanpainari. Kanpaina horretan, katearen ezaugarriak beste kate batzuekin alderatu zituzten, eta Tele5k bere aurka egindako ekintza baten modura ikusi du. Ustez, prentsa horiarekin lotzen da Tele5, eta jendea gutxiesten duen katea bezala erakusten dute. Hori ikusita, Tele5k kanpaina bat egitea erabaki du, datuek esaten dutenean oinarrituz (El dato Pone lo que Pone): «Ikusleek dibertsioa aukeratzen dute».