5o Beatles Eibar deitutako egitasmoa jarriko da martxan gaur arratsaldean Eibarren (Gipuzkoa). Jesus Ordovas musika adituak Liverpooleko (Erresuma Batua) taldeari buruzko hitzaldi bat emango du, Portalea aretoan, 19:30ean: La revolución pop de los Beatles. The Beatles sortu zenetik mende erdi igaro zen iaz, eta Jai Production elkarteak udalarekin elkarlanean hainbat ekintza antolatu ditu taldea gogoratzeko.
Gaurko hitzaldian taldearen ibilbideaz mintzatuko dira. Ordovas Radio 3ko Diario Pop saioko zuzendaria izan zen urteetan, eta hainbat egunkaritako eta aldizkaritako kolaboratzailea da. Horrez gain, musika taldeei eta musika estiloei buruzko liburu ugari argitaratu ditu.
Datorren asterako, berriz, beste bi ekitaldi prestatu dituzte. Asteazkenean, 20:30ean, Yellow Submarine filma emango dute, Koliseo antzokian. Goizean, bi aldiz emango dute film hori, Eibarko ikasleentzat.
Ekintza nagusia irailaren 26koa izango da, hala ere. The Shout Argentinako taldeak kontzertu bat emango du Koliseo antzokian. The Beatlesen musika eta estetika ekarriko ditu gogora.
HITZALDIA
Non. Eibarko Portalea aretoan.
Noiz. Gaur, 19:30ean.
The Beatles gogoan, Eibarren
Iaz mende erdia bete zen taldea sortu zela, eta haiek gogoratzeko egitarau bat osatu dute datozen egunetarako
Iruzkinak
Ez dago iruzkinik
Ordenatu
