Udako programazioa etzi hasiko du Eguzki irratiak

IRRATIA. Astelehenean ekingo dio Iruñeko Eguzki irratiak udako programazioari. Ekoizpen propioko 15 saio emitituko dituzte, eta beste bost Arrosa sarea osatzen duten beste irratietakoak. Irratiaren egoera ekonomikoa da haien «arantzatxoa». Izan ere, ez dute lortu 500 pertsona laguntzaileen kopurua sendotzea. Irrati librearen emisioa Internet bidez entzun daiteke www.eguzki.net webgunean.