Urrutien dagoen galaxia antzeman dute

Hubble teleskopioaren gaitasuna ohi baino urrutirago eraman du astronomo talde batek. Big Bang gertatu eta 480 milioi urterainoko tartea arakatzeko gai izan da teleskopioa. Espazioak gaur duen adinaren %4 besterik ez zueneko garaia da hori. 13.200 milioi argi urtera dagoen galaxia aurkitu dutela uste dute. Informazioa datu gehiagorekin berretsi behar dute. Galaxia nanoa da, Esne Bidearekin alderatuta, hura baino ehun aldiz txikiagoa.