Anima Naturalis eta Peta elkarteetako kideak bildu dira Iruñean gaur, sanferminetako entzierro eta zezenketen kontra protestatzeko. Hala ere, gaurko protesta koloretsua izan da, aurtengo festetan zezenketarik ez dela egongo ospatu baitute. Zezen plazaren ondoan elkartu dira eta, «animalientzako tratu txarrik gabeko normalitate berri bat» nahi dutela aldarrikatzeaz gain, hurrengo urteetan ere horrelako festak nahi dituztela adierazi dute.
ðŸÂƒLo hemos vuelto a hacer. Hemos alzado la voz por los toros en Pamplona.💪ðŸ»
— AnimaNaturalis (@AnimaNaturalis) July 7, 2020
Pedimos una nueva normalidad sin maltrato animal.
Ha sido el primer año sin encierros ni corridas en los sanfermines y queremos que esto se mantenga en los próximos años. pic.twitter.com/g7SVLXm2Ik
Zuri-gorriz joan dira jantzita, eta «zezenketarik ez» edota «hilketa gehiagorik ez» bezalako mezuak zituzten kartelak erakutsi dituzte. «Tauromakia abolitu» oihukatzen zuten bitartean, zezenei plazan sartzen dizkieten banderillen antzekoak altxa eta ingurua koloreztatu dute.
Garai honetan, urtero egiten dute ekintzaren bat bi taldeek, animalien aurkako «ankerkeria» salatzeko. Iaz, esaterako, Euskal Herriko zein kanpoko ehunka aktibista bildu ziren Udaletxe plazan zezenketen abolizioa eskatzeko.
