Zirkuluaren inguruan elkarrekin dantzan

Dantzan emanen dute eguna gaur Hondarribian, Mutxiko Eguna antolatu baitute Irungo Lagun Artea elkarteak eta Hondarribiko Zumardikoak. Goizez eta arratsaldez izanen da dantzatzeko aukera: 12:00etan, Jaiki Hadi taldearekin ariko dira mutxikoak dantzatzen, eta, 17:00etan, Iruñeko Ortzadar taldeak gidatuko du saioa. Goizean kalejira eginen dute herrian barna, trikitilari, erraldoi eta txalapartariekin. Laurehun lagunentzako herri bazkaria ere antolatu dute.

Mutxiko Eguna

Gaur, egun osoz, Hondarribian (Gipuzkoa).