Bilboko Aste Nagusiko seigarren egunean hamazazpi lagun atxilotu ditu Poliziak. Bilboko Udalaren arabera, horietako bat indarkeria matxistagatik atxilotu dute; zehazki, jai eremuan sexu eraso bat egiteagatik. Festak hasi zirenetik 76 atxiloketaren berri eman du udalak, eta horietako zazpi indarkeria matxistarekin lotutako delituengatik izan dira.
Bestalde, bart atxilo hartutakoen artean, 11 jai eremuan atzeman dituzte, eta gainerako seiak hiriko beste zenbait auzotan. Atxilotutako beste lagunei lapurreta edota agintaritzaren aurkako atentatua egozten dizkiete, besteak beste.
