Gaur goizean 51 urteko gizon bat hil eta 48 urteko emakume bat larri zauritu da Zallan (Bizkaia), BI-636 errepidean. Auto batek eta kamioi batek elkar jo dute. Ezbeharra 10:00 aldera izan da; istripuaren ondorioz, autotik ezin irtenda gelditu dira biak, eta suhiltzaileek erreskatatu behar izan dituzte.
Larri zauritutako emakumea Gurutzetako ospitalera eraman dute osasun zerbitzuek. Eusko Jaurlaritzako Segurtasun Sailak jakinarazi du errepidea itxi egin dutela zirkulazioaren bi noranzkoetan, eta auto ilarak sortu dira.
