Familiek Gabonetan egun ederrak igaro ditzaten laguntzeko, EROSKIren saltokiak eskaintza paregabeak egiten ari dira. Izan ere, bezeroen premiei erantzuteko, EROSKIk 44 milioi euro erabiliko ditu promozio berezietan Eguberri hauetan. Horrela, Saski propio zoriontsua kanpainak deskontu handiak dakartza Eguberrietako ehundik gora produktu izarretan; besteak beste, arrainetan, haragietan, kontserbetan, fruitu lehorretan, cavetan, ardoetan eta gozoetan.
Horrez gain, bigarren unitatea %70 merkeago eskura daiteke 2.000 produktutan, eta kupoi pertsonalizatuak eta ezusteko promozioak ere izango dira. Gaur egun, EROSKIren saltokietan, salmenten %29 marka propioko produktuei dagozkie. Gama bezala sendotu egin da, baita Eguberrietan ere, kalitate-prezio aldetik bikaina delako, alternatiba osasungarria, eta tokiko produktuen aldeko apustua egiten duelako etengabe.
Eguberrietako joerak eta aukerak
Espainiako Bankuak dio kontsumitzailearen konfiantza handitzen ari dela, eta Eguberri hauetan dinamismo handiagoa izango dela kontsumoaren aldetik.
2021etik aurrera, ikusten da Gabonetako kategorietako produktuen erosketak atzeratzeko joera egon dela. 2023an, dinamika hori zuzendu egin zen zertxobait, nahiz eta aurreko mailetara ez itzuli. 2024an, aldaketa argiagoa ikusten da, urrian egindako erosketetan pisu handiagoa hartu baitu aurreko urteekin alderatuta (+1 puntu). Dena den, oraindik abenduan kontzentratzen dira Eguberrietako produktuetan egiten diren gastuen %50 inguru.
«Aurten ikusten dugu erosketa portaera planifikatuagoa doala, eta bezeroek konparatu, aurreratu eta ahal den gehiena aprobetxatzen dituztela sustapenak», azaldu du Beatriz Santosek, EROSKI Taldeko zuzendari komertzialak. «Nahiz eta inflazioa aurreko urteekin alderatuta apaldu egin den, aurreztea da oraindik ere lehentasuna. Hori dela eta, gure proposamena indartu egin dugu eskaintza eta kupoi pertsonalizatu gehiagorekin; horrela, familiek Eguberriak gozatu ahalko dituzte, uko egin gabe kalitateari eta gogokoen dituzten produktuei».
Kalitatea, aurrezkia eta hurbiltasuna
Estrategia horrekin, EROSKIk sendo jarraituko du Espainiako estatuko etxeetako aliatu garrantzitsu izanez, bete-beteko erosketa esperientzia eskainiz eta kalitatea, aurrezkia eta hurbiltasuna konbinatuz.
EROSKIren arabera, autonomia erkidego batetik bestera aldea dago gastu gehigarrian. Euskal Autonomia Erkidegoa (EAE) liderra da, Madrilgo Erkidegoarekin batera, Eguberrietako elikagaien gastu emendatzean, %37ko igoerarekin, eta haien ondotik Gaztela-Mantxa dator (+%36). Espainiako estatuko batez bestekoa, berriz, %30 inguru igotzen da. Horrek esan nahi du etxeetan batez beste 120 euro gehiago xahutzen direla. Horretarako, erosketa maiztasuna handitu egiten da (11 bisita, hileko izan ohi diren 10 beharrean), eta Eguberrietako ohiko kategorien pisua handitzen da, hala nola bonboiena, arrain eta itsaski fresko zein izoztuena eta edariena —nabarmentzekoak jatorri izena duten ardoak eta apardunak—. Datu horiek egonkor mantentzen dira aurreko urtearekin alderatuta.
Nahiz eta familia guztiek gehiago gastatu egun horietan, denek ez dute berdin erabiltzen beren aurrekontua: seniorrek %40 emendatzen dute, eta janari freskoetara eta elikagaietara bideratzen dute. Gazteek, berriz, bikoiztu edo hirukoiztu egiten dute gastua elikagaiak ez diren produktuetan, batez ere jostailuetan eta bideojokoetan.
Abenduan gastatzen denaren ia erdia (%46) Eguberrietan tipikoak diren produktuetara bideratzen da. Horiek bihurtzen dira erosketa saskiko protagonista handiak. Hauek dira dendetan abenduan eguneko gehien eskatzen diren produktuak eta erosketetan igoera handiena izaten dutenak: turroiak, bonboiak eta gozo tipikoak, (x8); urdaitegikoak, hala nola iberikoak (x3); cavak, ardoak eta beste edari batzuk (x3); arrain eta itsaski freskoak edo izoztuak (x2); eta haragi hautatuak, hala nola arkumea eta behi haragia (x2).
Hipermerkatuek beren posizioa sendotu dute, eta gogokoenak izaten dira Eguberrietako erosketak egiteko. Kontsumitzaileek saltoki handietan egiten dituzte, bolada horretan, gasturik handienak (+%18), eta saski eta bisita kopuruak ere hor handitzen dira gehienbat (+%20). Salmentei dagokienez, %4 handitzen dira, eta, urteko gainerakoarekin alderatuta, batez beste %20 gehiago gastatzen da.
Banaketa talde liderra
EROSKI banaketa talde liderretako bat da Espainiako estatuko iparraldeko merkatuan —Galiziatik Balear Uharteetara—, %12,7ko merkatu kuotarekin; eta liderra da EAEn, Nafarroan, Galizian eta Balearretan. 2024aren amaieran, 1.502 saltoki zituen bere sare komertzialean: besteak beste, supermerkatuak, hipermerkatuak, cash & carry-ak eta online supermerkatuak, baita gasolindegiak, kirol dendak eta elikagaien arlokoak ez diren beste negozio batzuk ere.
Aipagarria da EROSKIk 6,4 milioi Bezero Bazkide baino gehiago dituela, eta 27.600 lagunek baino gehiagok osatzen dutela langile taldea; horietatik 9.000, gainera, bazkide eta jabe dira.
