67 urteko gizonezko bat hil da Miranda Argan, traktorearekin erorita

67 urteko gizonezko bat -J.M.I.P.- hil da gaur Miranda Argan (Nafarroa), lanean ari zela bere traktorearekin istripua izan eta gero. Atzo izan zuen ezbeharra, eta gaur zendu da.

Aita etxera itzultzen ez zela-eta, haren semea bila hasi zen eta 21:30ak aldera aurkitu zuten, zaurituta. Nafarroako Larrialdi Agentziak Tafallan dituen suhiltzaileek erietxera eraman zuten, Iruñera, baina gaur goizean hil egin da.

Hamabost-hogei metroko aldapan erori zen gizonezko hura traktorearekin. Lokatza ugari zegoen inguru haietan, eta horrek eragin zuen, agian, ezbeharra.