Leitzako Gorriztaran auzoko baserri batean gertatu da ezbeharra. 74 eta 46 urteko bi lagun lanean ari ziren minda hobi batean, eta bertako gasak arnastuta gaizkitu dira biak. Gazteena bertatik atera ahal izan da, eta 112 larrialdi zerbitzuei deitu die.
11:36an jaso dute abisua. Foruzaingoa, Cordovilla parkeko suhiltzaileak, Leitzako suhiltzaile boluntarioak eta medikalizatutako anbulantzia bat bertaratu dira. Hilik topatu dute 74 urteko gizona.
Osasun zerbitzuek 46 urteko gizona artatu dute, eta ospitalera eraman dute. Zaintza pean dago.
Hildako gizonaren hilotzaAuzitegi Medikuntza eta Zientzia Forentseen Nafarroako Institutura eraman dute, bertan heriotzaren zergatia argitu dadin. Foruzaingoak bere gain hartu du ezbeharraren ikerketa.
