Ameriketako Estatu Batuetako (AEB) Senatuak finantza sistemaren erreforma onartu du bart, duela bi urte krisia eragin zuten "gehiegikeriak" saihesteko asmoz biharko egunean. Azken batean, "merkatuen funtzionamendu justua, finantza industrien jarduera zehatz batzuen kontrola, finantza sistema behatzeko modu berriak eta kontsumitzaileen eskbideen babesa" bilatzen dute.
Orain Ordezkarien Ganberak eman beharko dio balekoa proiektuari; uztailaren 4a baino lehen onartu nahi dute.
59 senatarik egin dute erreformaren alde, 39k kontra. Barack Obama AEBetako Gobernuko presidentearen garaipentzat jo dute gaurko erabakia. "Gure helburua ez da bankuak zigortzea, baizik eta AEBetako herria babestea", esan du Obamak bart.
ekoNOMIA
AEB, finantza erreforma egitetik gertuago
Aldeko erabakia hartu du bart Senatuak, eta Obamaren garaipentzat jo dute. "Merkatuen funtzionamendu justua" edo "finantza industrien kontrola" bilatzen dute. Orain Ordezkarien Ganberak onartu beharko du.
Iruzkinak
Ez dago iruzkinik
Ordenatu
