Akordiorik ez, bat-egiteak izango dituen ondorioez

GASTEIZ. Kutxen bat-egiteak lan baldintzetan izango dituen ondorioei buruz hitz egiteko bigarren bilera egin zuten atzo BBK, Kutxa eta Vitaleko ordezkariek sindikatuekin. Ez zuten akordiorik lortu, eta hitz egiten jarraitzekotan geratu ziren, egunik zehaztu gabe. Langile gehiegi izango dituztela azaldu zuten kutxek, eta, hori dela-eta, kezka agertu du LABek.