Aurrezki kutxen sektorea beranduegi berregituratu dela uste du MAFOk

Ikusi eta gero, denak jakintsu dio esaerak; eta halaxe egin du Miguel Angel Fernandez Ordoñez Espainiako Bankuko gobernadoreak ere. Esan du aurrezki kutxen berregituraketa beranduegi egin dela, «garai onetan» egin behar zela alegia, eta krisi garaian. Duela hiruzpalau urte egin izan balitz erakundeek krisiari indartsuago aurre egingo ziotela nabarmendu du, baina esan du horrek ondorio ezkorrago batzuk ere ekarriko zituela: «Erreforma oparoaldian egin izan balitz, aurrezki kutxen kapitalizazio beharrak diru publikoarekin beteko ziren, eta baliabide publikoak xahutuko». Dena dela, egungo erreforman sakondu beharra dagoela nabarmendu du MAFOk. «Kutxetako gobernu eredua aldatu ezean, ez dute finantzaketarik lortuko».