Barclayseko presidenteak dimisioa eman du, Liborraren auziagatik

Barclays banku britainiarrak Libor indizea manipulatzeak izan ditu lehen ondorioak. Joan den astean 363 milioi euroren isuna ordaindu beharko zuela jakin ostean, Marcus Agius bankuko presidentearen dimisioa heldu zen atzo.

Libor indizea —banku arteko merkatuan erabilia —2005. eta 2009. urteen artean manipulatzea egozten zaio bankuari. Agius 2007tik izan da Barclayseko presidente, «bankuaren izen onaren azken zaindaria», hark azaldu duen bezala. Bob Diamond Barclayseko aholkulari nagusiak, aldiz, ez du dimisioan pentsatzen: «Langile gutxi batzuen errua da», esan du.

Barclays ez da, ordea, kalteak izan ditzakeen bakarra. Ikerketa abian da, eta tartean dago RBS Royal Bank of Scotland ere. David Cameron lehen ministroak iragarri du sektorearen ikerketa hasiko dutela Parlamentuan.