«Bidezko lan ituna» nahi dute anbulantzietan

BILBO. ELAk eta LABek deituta, hogeiren bat langile elkartu ziren atzo Osasun Sailaren Bilboko egoitzaren aurrean, anbulantzien sektorean «bidezko lan ituna» eskatzeko. Sindikatuek diotenez, apirilaz geroztik daramate negoziatu nahian, baina anbulantzietako patronalak ez du haiekin hitz egin nahi. Eusko Jaurlaritzaren bitartekaritza eskatu dute ELAk eta LABek.