Bizkaiak praktiketako mila kontratu sustatuko ditu

BILBO. Bizkaiko Foru Aldundiak sei milioi euro jarriko ditu, 30 urte arteko mila lizentziaduni praktiketako kontratuak egitea laguntzeko. Enpresek 7.000 euro arteko laguntzak jaso ahal izango dituzte. Beste dekretu baten bidez, ikasketetan kalifikaziorik onenak izan dituzten ehun gazte «prestigiozko zentroetan» formakuntza osatzeko bekak emango ditu. Autoenplegua laguntzeko 1,2 milioi euroko programa ere onartu du.