Brian Lenihan hil da, Irlandaren erreskatea negoziatu zuena

Brian Lenihan Irlandako Finantza ministro ohia atzo goizean hil zen, Dublingo bere etxean, 52 urte zituela. Pankreasko minbizia aurkitu zioten 2009ko abenduan, baina ministro karguari eutsi zion eta hari egokitu zitzaion, iazko udazkenean, Europako Batasunarekin eta Nazioarteko Diru Funtsarekin salbamendu plana negoziatzea Irlandako Gobernuaren izenean. Minbizia gainditzerik izan ez zuen arren, Fianna Fáil alderdiko lidertzarako hautagai izan zen ondoren, baina galdu egin zuen Micheál Martinen aurrean.