Bundesbanki iruzurra egin diote txanpon zaharrekin

BERLIN. Bundesbanki, Alemaniako banku zentralari, sei milioi euro inguruko iruzurra egin diote: Bundesbankek baztertu eta txatarretara botatako euro bateko eta bi euroko txanponak Txinan konpondu eta berriro Bundesbankera eramaten zituzten, trukean billeteak jasotzeko. Lufthansako hegazkin zerbitzariek garraiatzen zituzten Txinatik Alemaniara, maletetan. 29 tona txanpon 2007tik 2010era. Sei lagun atxilotu dituzte.