Bzerok lau langile kaleratu dituela salatu du ELAk

BILBO. Bzero telemarketin enpresak lau langile kaleratu zituen ostiralean, kitatze agiririk eta kaleratzearen arrazoiak azaldu gabe. Enpresaren arabera, beren lana amaitu da. ELAk salatu du, ordea, enpresak langile berriak kontratatu dituela lan hori bera egiteko. Kaleratze horiek prekarietatearen isla direla dio. Kontzentrazioa egingo dute gaur, enpresaren egoitzaren aurrean.