CEOE, CCOO eta UGTko buru nagusiek bilera egin dute Madrilen

Espainiako gizarte eragileen ordezkari gorenen bilera izan zen atzo arratsean Madrilen, negoziazio kolektiboaren erreformaren barruan. Patronalaren irudiko, bilerak garrantzi berezia zuen, haren emaitzen menpe zegoelako hurrengo egunotan negoziatzen jarraitzeko aukera. CEOEren aldetik Joan Rosell presidentea izan zen bileran, eta sindikatuek beren idazkari nagusiak igorri zituzten, Ignacio Fernandez Toxo (CCOO) eta Candido Mendez (UGT). Espainiako Gobernuak hilaren 19rako nahi zuen akordioa, bihar Bruselan hasiko den EBko goi buruzagien bileran erreformek jarraitzen dutela erakusteko. Akordioaren «zertzeladekin» konformatzen da orain.